Mir sangen

Do kriss d'en Daler

Wat ass en Daler? Wéi heeschen eis Suen haut? Wéi hu se geheescht, wéi är Elteren (Grousselteren) esou al ware wéi dir?
Wat kritt een um Maart ze kafen? Bastelt e Maartstand a moolt Biller mat Saachen, déi een um Maart kritt.
Begleet d'Lidd op der Handtrommel oder de Claves a spillt just den dirlidirlidänzchen op de Maracas.
Spillt d'Lidd zu 2 an 2: Ee Kand streckt seng Hand mat der Handfläch no uewen no vir. Dat anert Kand heemelt d'Hand ëmmer um 1. Schlag vum Takt. Bei dirlidirlidänzchen këddelt et deem anere Kand seng Hand.

Wat heescht l'ormeau? Wou kann de Villchen nach sangen?
Sangt d'Lidd fir d'éischt 2-stëmmeg; wann dir dat kënnt, da probéiert lues a lues weider Stëmmen dobäi.
Ersetzt den Tra la la duerch aner Vokaler, ewéi zum Beispill Tri li li.

Maacht 2 Gruppen, déi eng Grupp sinn d'Elefanten, déi aner Grupp sinn d'Beem, déi roueg stoe bleiwen. Gitt beim Sange vum Lidd ewéi Elefanten tëschent de Beem erduerch (ronderëm), ouni iech ze stoussen! Dono wiesselen.
Stitt ëmmer beim Wuert Bäume op!
Begleet d'Lidd mat Trommelen, déi dir ëmmer um 1. Schlag vun all Takt spillt.

Wéi nennt een eng Geschicht, wou Déiere schwätze kënnen?
Kennt dir änlech Geschichten?
Ënnersträicht am Lidd all déi Wierder, déi dir net verstitt! Wat kéinte se bedeiten? Kontrolléiert är Iwwerleeung mat engem Dictionnaire!
Erfannt selwer esou eng Geschicht.
Begleet de Refrain op Rhythmusinstrumenter.

Moolt d'Déieren aus dem Lidd. Maacht e Collage.
Sicht aner Silbe fir de Refrain.
Sicht nach weider Strophen.
Begleet de Refrain op Rhythmusinstrumenter. Sicht iech awer ëmmer eent eraus, dat bei d'Déier passt.

Wéi eng Kiewerleke kennt dir, a wéi eng Déieren, déi fléie kënnen, kennt dir nach?
Begleet den 1. Schlag vun all Takt mat engem Triangel.
Stitt beim Wuert Kiewerlek op.
Übt d’Kiewerlek, komm-Plazen um Xylophon.

Wéi eng Déiere liewen nach am Bësch?
Kennt dir den Ënnerscheed tëschent engem Hues an enger Kanéngchen?
Wat mengt e Museker wann e vu "piano" a "forte" schwätzt?
Begleet d'Lidd op Rhythmusinstrumenter a spillt beim Hiesche "piano" a bei de Jeeër "forte".

Nennt all d'Wieder, déi sech reimen.
Maacht 2 Gruppen. Déi 1. Grupp séngt Un petit chat gris, déi 2. qui mangeait du riz an ofwiesselnd esou weider.

Maacht e Kreesspill: All d'Kanner ausser eent maachen e Krees. Dat eent Kand ass d'Geess a leeft bei den Täkt 1-4 baussent dem Krees ronderëm. Beim Takt 5 setzt et sech hannert en anert Kand op alle Véiren, wéi eng Geess op de Buedem. Dat Kand aus dem Krees setzt sech op d'Geessekand drop wéi op e Päerd. Dono ass Rollewiessel.