Mon cheval est bien content
- Wéi heeschen déi verschidde Gangaarte vun de Päerd? Maacht déi verschidde Gangaarten no (Beweegung, Stëmm, Instrumenter).
- Sangt d'Lidd ganz a begleet de pan pata pan op de Rhythmusinstrumenter.
Old Mac Donald had a farm
- Sicht déi lëtzebuergesch, däitsch a franséisch Nimm fir déi eenzel Déieren.
- Wat huet den Old Mac Donald nach op sengem Haff?
- Deelt iech a Gruppe vun 2-3 Kanner op. All Grupp séngt eng aner Stroph. Den hee-a, hee-a ho sangt dir all zesummen.
- Sangt den hee-a, hee-a ho net, mee spillt en um Xylophon.
- Begleet d’Lidd op Rhythmusinstrumenter.
Tchinn, tchinn, tchinn
- Léiert 5 einfach Wierder op chinesesch a sicht China op enger Weltkaart oder um Globus. Wat wësst dir nach iwwert dat Land?
- Chapeau chinois: Wéi gesäit esou en Hutt aus? Ginn et nach aner typesch chinesesch Kleedungsstécker oder Requisiten?
- Übt folgend Rei um Xylophon: J'aime la Chine et mon chapeau chinois.
- Schlot virun all Widderhuelung lues op e klenge Gong.
- Maacht en Danz an der Form ACBC, andeems dir en Danzschrëtt sicht fir d'Täkt 1 an 2, fir d'Täkt 3 a 4, a fir d'Täkt 5 a 6.
Halli, hallo, Halunken
- Wat ass um Text "komesch"? Sicht aner onsënneg Strophen!
- Wéi eng geometresch Formen tauchen am Text op? Wéi eng kennt dir nach?
- Maacht 2 Gruppen: - Grupp 1: Spillt Halli,... um Xylophon, - Grupp 2: Spillt die Fische... um Xylophon.
- Begleet d'Lidd rhythmesch an 2 Gruppen: - Grupp 1: Begleet Halli,... op de Claves, - Grupp 2: Begleet die Fische... op der Handtrommel.
- Sicht eng Beweegung fir bei Halli, hallo an eng aner fir bei Halunken an ertrunken.
What shall we do with the drunken sailor
- Moolt e Pirateschëff an e Piratefändel.
- Verkleet iech als Pirat.
- Wat ass d'Liblingsgedrénks vun de Piraten? Wouraus gëtt dat gemaach?
- Baut iech e Schëff aus Still, Karton, Seeler, déi um Buedem leien. Ruddert beim Refrain am Takt vum Lidd a schunkelt hin an hier, wéi d'Piraten um Schëff.
- Huelt eng eidel Plastiksfläsch a klappt bei de Strophen mat de Fläschen op är Been nom Rhythmus vum Lidd.
J’ai perdu le do de ma clarinette
- Wéi heeschen d'Noute vun der Tounleeder op lëtzebuergesch, däitsch, franséisch an englesch?
- Wou sinn déi Téin um Piano, um Xylophon oder um Klackespill?
- Wéi eng Instrumenter ausser Klarinett kennt dir nach? Wie vun iech spillt en Instrument? Bréngt et mat a spillt e Lidd.
- Klappt am Refrain op den 1. Schlag vun all Takt.
Lundi matin
- Wéi heeschen d'Wochendeeg op lëtzebuergesch, däitsch, franséisch an englesch?
- Bastelt oder moolt e Kalenner a schreift op, wat op all Wochendag extra ass.
- Deelt iech a 7 Gruppen. All Grupp séngt en aneren Dag. Sangt de leschte Saz vun all Strof zesummen.
Ah! Mon bon château
- Sangt d'Lidd mat ofwiesselende Partien (A a B).
- Bastelt e Schlass aus Pabeier, Karton, Toiletterullen, asw ...
- Begleet ma tantirelirelire op engem Rhythmusinstrument.
- Begleet alles ausser ma tantirelirelire op engem Rhythmusinstrument.
Le bon roi Dagobert
- Sangt d'Lidd mat verdeelte Rollen.
- Spillt d'Zeene vum Lidd no.
- Spillt mat enger Handtrommel op den 1. Schlag vun all Takt.
- Erfannt e kinneklechen Danz, dee bei d'Lidd passt!
Meunier, tu dors
- Aus wéivill Deeler besteet dëst Lidd? Wat ass den Ënnerscheed?
- Beweegt iech op d'Lidd (anescht am 1. Deel wéi am 2. Deel).
- Wéi eng Zorte Millen ginn et? Erkläert d'Funktioun vun enger Millen.
- Begleet d'Lidd rhythmesch (1. Deel: Spillt op den 1. Schlag mat enger Handtrommel an op den 2. an 3. Schlag mat de Claves, 2. Deel: Spillt op den 1. an den 2. Schlag mat der Handtrommel oder de Claves).
- Sangt de Refrain ouni Playback a begleet e mat Gesten, andeems dir déi eng Hand ronderëm déi aner dréit, an dat ëmmer méi séier!