Mir sangen

Lo ass et fäerdeg

Kennt dir nach aner Lidder fir opzehalen oder Äddi ze soen?
Sangt d'Lidd als Kanon. Fir d'éischt 2-stëmmeg, wann der dat kënnt, da probéiert lues a lues weider Stëmmen dobäi.
Üübt dat ganzt Lidd um Xylophon.

Dat hei Lidd kënnt dir ëmmer sangen, wann dir spadséiere gitt.
A wéi enge Sprooche kënnt dir zielen?
Üübt de Rhythmus bei un kilomètr' à pied a spillt e bei all Stroph op engem Rhythmusinstrument.

Fannt eraus, wat eng galette ass, sicht e Rezept a baakt der.
Wéi eng Zorte galette ginn et?
Iesst op Dräikinneksdag eng "Galette des rois" a bastelt eng Kroun fir de Kinnek.
Nennt anert Gebäck, wat dir gär iesst a sicht no, wéi déi Saachen op Franséisch heeschen. Sangt d'Lidd mat deene Begrëffer, ewéi z.B. J’aime le croissant…
Iwwersetzt den Text an aner Sproochen.
Sicht aner Silbe fir de Refrain.
Begleet de Refrain mat Rhythmusinstrumenter.
Sicht Danzschrëtt fir de Refrain.

Probéiert, op dëst Lidd ze danzen.
Maacht 2 Gruppen. Déi eng spille bei Hopp op der Handtrommel an déi aner bei Marjännchen op de Claves.
Spillt d'ganzt Lidd op de Rhythmusinstrumenter. Wat fält iech op wann dir de Rhythmus vun deenen 2 Noutenzeile vergläicht?
Üübt d'ganzt Lidd um Xylophon. Wat stellt dir fest, wann dir d'Melodie vun deenen 2 Noutenzeile vergläicht?

Aus wéi engem Land kënnt dëst Lidd?
Wann ee wëllt an dëst Land fléien, iwwert wéi eng Länner flitt een dann?
Kuckt um Internet, wéi se an Israel op dëst oder änlech Lidder danzen.
Üübt déi 1. Rei um Xylophon. • Begleet d'Lidd op Rhythmusinstrumenter. Spillt ëmmer op den 1. Schlag vun all Takt.

Wéi eng Dänz kennt dir?
Sicht Danzschrëtt vu verschiddenen Dänz a probéiert se ze danzen.
Maacht 2 Gruppen. Déi eng spillen um Xylophon: Mon papa ne veut pas. Déi aner sangen de Rescht an danzen dobäi. Dono gëtt gewiesselt.

Danzt d'Lidd, sou wéi et am Text beschriwwen ass.
Erfannt zousätzlech Danzschrëtt dozou.
Kennt dir d'Lidd op lëtzebuergesch?
D'Klass gëtt a 4 gedeelt. All Grupp spillt en anert Rhythmusinstrument. Déi 1. Grupp spillt Takt 1 an 2, déi 2. Grupp Takt 3 a 4, déi 3. Grupp Takt 5 a 6 an déi lescht Takt 7 an 8. Dono gëtt gewiesselt.

Wéi heeschen d'Kierperdeeler op lëtzebuergesch, däitsch, franséisch an englesch?
Begleet d'Lidd op Rhythmusinstrumenter. Spillt am éischten Deel vum Lidd ëmmer op den 1.Schlag vun all Takt. An am 2.Deel vum Lidd ëmmer wann dir e Kierperdeel héiert.
Maacht e Beweegungslidd doraus, andeems dir dee Kierperdeel vun deem grad am Lidd gesonge gëtt, beweegt, mat den Hänn drop klappt oder mat de Fanger drop tuppt. Bei ainsi danse Jean-Petit dréint iech eemol ronderëm iech selwer.
Sicht um Internet nom Lidd Jean-Petit qui danse.

Gitt am Takt duerch de Sall a maacht dobäi d'Rudderbeweegung mat den Äerm dobäi.
Iwwert wéi ee Floss kann een zu Lëtzebuerg/ an Europa/ op der ganzer Welt rudderen?
Sangt d'Lidd am Kanon. Fir d'éischt 2-stëmmeg; wann der dat kënnt, da probéiert lues a lues weider Stëmmen dobäi.
Maacht e Rudderspill a sangt d'Lidd dobäi. Bei engem Rudderspill mécht ee 4 Booter (Equippen) an et ruddert een op eng Insel, wou eppes feelt. Den éischten aus all Boot muss déi Saach siche goen. Wien als éischt zréck ass, kritt e Punkt.

Erfannt eng Rhythmusbegleedung zu dësem Lidd. Benotzt dobäi folgend Instrumenter: Triangel, Schellekranz, Handtrommel, Holzblock.
Wie war de Carl Orff?
Maacht 4 Gruppen. All Grupp spillt 1 Takt um Xylophon. D'Grupp 1 spillt den 1. Takt, d'Grupp 2 den 2. Takt, an d'Grupp 3 den 3. Takt, d'Grupp 4 de 4. Takt. Esou gëtt d'Lidd no an no opgebaut. D'Gruppe kënnen dono gewiesselt ginn.